టీమిండియా కెప్టెన్‌ విరాట్‌ కోహ్లి అసోంలో తమకు ఎలాంటి ఇబ్బందులు ఎదురుకాబోవని  పేర్కొన్నాడు. తమ భద్రతకు సంబంధించి ఎటువంటి ముప్పు లేదని , గువాహటిని సురక్షితం నగరంగా భావిస్తున్నట్లు తెలిపాడు. మూడు టీ20ల సిరీస్‌కు శ్రీలంకతో  టీమిండియా సమాయత్తమైన సంగతి తెలిసిందే.  ఆదివారం ఈ క్రమంలో గువాహటిలో జరుగనున్న తొలి టీ20 మ్యాచ్‌లో టీమిండియా తలపడనుంది. 

 

అయితే అసోంలో కేంద్ర ప్రభుత్వం తీసుకువచ్చిన పౌరసత్వ సవరణ చట్టానికి వ్యతిరేకంగా  తీవ్రస్థాయిలో ఆందోళనలు చెలరేగుతున్న విషయం తెలిసిందే.  దాదాపు 3 వేల మందిని ఇందులో భాగంగా అదుపులోకి తీసుకున్న పోలీసులు.. నిరనసల్లో హింసకు పాల్పడ్డారంటూ 190 మందిని అరెస్టు చేశారు. దీంతో అసోం మొత్తం ఉద్రిక్త పరిస్థితులు నెలకొన్నాయి. ఇటువంటి పరిస్థితుల్లో టీమిండియా గువాహటిలోని బర్సాపరా స్టేడియంలో తొలి మ్యాచ్‌ ఆడనుంది.

 

ఈ నేపథ్యంలో  ఇప్పటికే భద్రతను అసోం క్రికెట్‌ అసోసియేషన్‌ కట్టుదిట్టం చేసింది. ప్రేక్షకులు కేవలం మొబైల్‌ ఫోన్లు, పర్సులు మాత్రమే తీసుకువచ్చేందుకు అనుమతినిచ్చింది. ఈ క్రమంలో విరాట్‌ కోహ్లి  అసోంలో నెలకొన్న పరిస్థితి గురించి మాట్లాడుతూ...నిజానికి అందరూ  ఈ విషయంపై నేను అస్సలు పట్టించుకోవడంలేదని  అనుకుంటున్నారు అవన్నీ తప్పు  ‘ ఈ విషయంలో(సీఏఏ) నేను బాధ్యతారాహిత్యంగా వ్యవహరించాలనుకోవడం లేదు. 

 

ఇరు వర్గాల అభిప్రాయాలను పరిగణించాల్సి ఉంటుంది. ఈ అంశంపై నాకు పూర్తి సమాచారం ఇంతవరకు అందలేదు. ఇలాంటి పరిస్థితుల్లో నా అభిప్రాయం చెప్పడం సరైంది కాదు అని  నా అభిప్రాయం . నిజానికి గువాహటి సురక్షితమైన నగరమని తెలుసు. మాకు అక్కడ ఎటువంటి ఇబ్బందలు తలెత్తవు’అని పేర్కొన్నాడు. ఇ​క టెస్టు మ్యాచ్‌లను నాలుగు రోజులకు కుదించాలనే అంతర్జాతీయ క్రికెట్‌ మండలి(ఐసీసీ) ప్రతిపాదనపై కోహ్లి విముఖత వ్యక్తం చేశాడు. అంతర్జాతీయ క్రికెట్‌లో చాలా ఏళ్లుగా టెస్టుల్లో ఐదు రోజుల విధానం అమల్లో ఉందని, దాన్ని అలాగే కొనసాగించాలని అభిప్రాయపడ్డాడు

మరింత సమాచారం తెలుసుకోండి: