నెలసరి సమయంలో మహిళలు పొత్తికడుపులో విపరీతమైన నొప్పిని అనుభవిస్తూ ఉంటారు. ఇంకా అలాగే నడుము నొప్పితో కూడా చాలా మంది ఎంతగానో బాధపడుతూ ఉంటారు.నెలసరి సమయంలో గర్భాశయ కండరాలు సంకోచించడం వల్ల ఈ నొప్పి బాగా కలుగుతుంది. నొప్పితో పాటు తల తిరిగినట్టుగా ఉండడం, వాంతులు, తలనొప్పి ఇంకా డయేరియా వంటి లక్షణాలు కూడా నెలసరి సమయంలో కొందరు స్త్రీలల్లో కనిపిస్తూ ఉంటాయి. చాలా మంది స్త్రీలు ఈ నొప్పిని తగ్గించుకోవడానికి రకరకాల హోమ్ టిప్స్ పాటిస్తూ ఉంటారు. హోమ్ టిప్స్ తో పాటు నెలసరి సమయంలో స్త్రీలు ఈ మూడు పోషకాలు ఉండే ఆహారాలను తీసుకోవడం వల్ల కూడా మంచి ఫలితం ఉంటుందని పోషకాహార నిపుణులు చెబుతున్నారు. ఈ పోషకాలను తీసుకోవడం వల్ల నెలసరి సమయంలో కలిగే ఇబ్బందుల నుండి ఉపశమనం కలుగుతుందని నిపుణులు చెబుతున్నారు.ఇక నెలసరి సమయంలో కలిగే నొప్పిని తగ్గించడంలో మెగ్నీషియం మనకు చాలా బాగా సహాయపడుతుంది. శరీరంలో మెగ్నీషియం తక్కువగా ఉండడం వల్ల ఈ నొప్పులు చాలా ఎక్కువగా ఉంటాయి. మెగ్నీషియం కండరాలకు విశ్రాంతి కలిగించడంతో పాటు నొప్పిని కలిగించే ప్రోస్టాగ్లాండిన్ లను తగ్గించడంలో కూడా చాలా బాగా సహాయపడుతుంది.


నెలసరి సమయంలో మెగ్నీషియం ఎక్కువగా ఉండే గుమ్మడి గింజలు, అరటి పండు, ఉసిరికాయ ఇంకా అవకాడో వంటి వాటిని తీసుకోవడం వల్ల నెలసరి సమయంలో వచ్చే నొప్పుల తీవ్రత తగ్గుతుంది. ఇంకా అదే విధంగా శరీరంలో క్యాల్షియం స్థాయిలు తక్కువగా ఉండడం వల్ల కూడా కండరాల నొప్పులు ఇంకా సంకోచాలు ఎక్కువగా ఉంటాయి.కాల్సిఫెరోల్ లేదా విటమిన్ డి  క్రియాశీల రూపం నొప్పిని కలిగించే ప్రోస్టాగ్లాండిన్ స్థాయిలను అదుపులో ఉంచడంలో చాలా బాగా సహాయపడతాయి. శరీరంలో తగినంత విటమిన్ డి ఇంకా అలాగే క్యాల్షియం ఉండడం వల్ల నెలసరి సమయంలో వచ్చే నొప్పుల తీవ్రత తక్కువగా ఉంటుంది.పుట్ట గొడుగులు, కోడిగుడ్డు పచ్చసొన ఇంకా సాల్మన్ చేపలలో విటమిన్ డి చాలా పుష్కలంగా ఉంటుంది. అలాగే ఎండలో కూర్చోవడం వల్ల కూడా తగినంత విటమిన్ డి ని ఈజీగా పొందవచ్చు. ఇంకా అలాగే విటమిన్ ఇ లో యాంటీ ఆక్సిడెంట్ లక్షణాలు కూడా ఉంటాయి. ఇవి అరాకిడోనిక్ యాసిడ్ ( కొవ్వు ఆమ్లం) ను విడుదలను నిరోధించడంతో పాటు అది ప్రోస్టాగ్లాండిన్ గా మారకుండా కూడా అడ్డుకుంటుంది. దీంతో నెలసరి సమయంలో వచ్చే నొప్పి ఈజీగా తగ్గుతుంది. ఇంకా అలాగే పల్లీలు, బాదంపప్పు, కివీ, బ్రకోలి, వివిధ రకాల గింజల్లో విటమిన్ ఇ ఎక్కువగా ఉంటుంది. స్త్రీలు నెలసరి సమయంలో ఈ మూడు పోషకాలు ఎక్కువగా ఉండే ఆహారాలను తీసుకోవడం వల్ల నొప్పుల నుండి నెలసరి సమయంలో కనిపించే లక్షణాల నుండి చక్కటి ఉపశమనాన్ని పొందవచ్చని ఆరోగ్య నిపుణులు చెబుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

health

Purushottham Vinay

14/05/2023 08:00 PM