భారీ రేంజ్ లోనే రెమ్యూనరేషన్ తీసుకుంటున్న అల్లు అర్జున్ ఇలా సినిమాల ద్వారా సంపాదించిన మొత్తాన్ని కూడా ఎంతో తెలివిగా ఇన్వెస్ట్మెంట్ చేస్తున్నాడు అని చెప్పాలి. ఈ క్రమంలోనే థియేటర్ బిజినెస్ లోకి కూడా అడుగు పెట్టేందుకు సిద్ధమవుతున్నాడు అన్న విషయం తెలిసిందే. ఈ క్రమంలోనే అమీర్పేట్ లో ఉన్న సత్యం థియటర్ స్థానంలో ఏషియన్ సంస్థ భాగస్వామ్యంతో ఏఏఏ సినిమాస్ పేరుతో బన్నీ మల్టీప్లెక్స్ నిర్మించేందుకు పూనుకున్నాడు. అయితే ఈ మల్టీప్లెక్స్ ఎప్పుడు ఓపెన్ అవుతుందా అని అటు అభిమానులు కూడా ఎంతో ఆసక్తిగా ఎదురుచూస్తున్నారు అని చెప్పాలి. అయితే ఈ మల్టీప్లెక్స్ ఒక భారీ సినిమా తోనే ఓపెన్ కాబోతుంది అన్నది తెలుస్తుంది. ఆ సినిమా ఏదో కాదు ప్రభాస్ హీరోగా నటించిన ఆది పురుష్.
ఇక ప్రభాస్ చేతుల మీదుగా ఈ మల్టీప్లెక్స్ ఓపెన్ కానుందని ప్రస్తుతం ఒక ప్రచారం జరుగుతుంది. అయితే ఈ మల్టీప్లెక్స్ లో ఎన్నో స్పెషాలిటీలు ఉండబోతున్నాయట. ఇక త్వరలోనే ఈ మల్టీప్లెక్స్ ప్రత్యేకతల గురించి అన్ని వివరాలను కూడా వెల్లడించబోతున్నారు అన్నది తెలుస్తుంది. ఇలా పూర్తి వివరాలు తెలియాలంటే మాత్రం మరికొన్ని రోజులు వెయిట్ చేయాల్సిందే. ఇకపోతే ప్రస్తుతం అల్లు అర్జున్ పుష్ప 2 సినిమాతో బిజీబిజీగా ఉన్నాడు అని చెప్పాలి. 500 కోట్ల భారీ బడ్జెట్ తో ఈ సినిమా తెరకెక్కుతుంది. ఇక పుష్ప 2 సినిమాతో మరోసారి బాక్సాఫీస్ వద్ద గర్జించాలని ప్లాన్ చేస్తున్నాడు అల్లు వారి వారసుడు అర్జున్.
