తమిళంలో మంచి విజయం సాధించిన ‘LKG – 2020’ సినిమాను త్వరలో ఆహా స్ట్రీమ్ చేయబోతోంది. తమిళ యువ నటుడు ఆర్జే బాలాజీ భామ ప్రియా ఆనంద్ ప్రధాన పాత్రలలో నటించిన ఈమూవీకి కేఆర్ ప్రభు దర్శకత్వం వహించాడు. ఈ మూవీని ప్రమోట్ చేస్తూ విడుదల చేసిన ప్రోమోలో పవన్ ఇమేజ్ ని వాడుకోవడం ఆశ్చర్యంగా మారింది.
‘పవన్ సినిమాను చూసినంత మాత్రాన ఆ వ్యక్తి ‘జనసేన’ లో చేరినట్లేనా’ అనే పంచ్ డైలాగ్ పవన్ అభిమానుల మధ్య బాగా వైరల్ అవుతోంది. ఇదే సందర్భంలో ‘దేవుళ్ళారా మిమ్మల్ని ఈ చిన్న రూమ్ లో పెట్టి పూజిస్తున్నందుకు ఫీల్ అవ్వకండి.. త్వరలోనే నేను గొప్ప వాడినవుతాను.. మూడు వేల కోట్లతో మీకు విగ్రహాలు పెట్టిస్తాను’ అంటూ ఈమూవీ హీరో దేవుళ్ళకు ప్రామిస్ చేసిన డైలాగ్ వెనుక సామాజిక స్పృహ కనపడుతోంది.
ప్రస్తుతం దేశంలో పేదరికం పెరిగిపోతున్నా ఆ విషయాలు మరిచి చాలామంది నాయకులు దేవుళ్ళకు వేల కోట్లల్లో గుడిలు కట్టిస్తున్న నేపధ్యం పై చురకలు వేసినట్లుగా ఈ మూవీ ట్రైలర్ లోని డైలాగ్ ను ఫాలో అయినవారికి అనిపిస్తుంది. 'క్రికెటర్ లక్ష్మణ్ హాఫ్ సెంచరీ లేదా సెంచరీ చేస్తే ఇండియన్ క్రికెటర్ సూపర్ అంటూ మీడియా పొగుడుతుంది. అంతేకాని తెలుగు క్రికెటర్ అని అనరు.' అంటూ వినిపిస్తున్న మరో డైలాగ్ కూడ ఆలోచింప చేస్తుంది. మరో మూడు రోజుల్లో ఆహా లో స్ట్రీమ్ కాబోతున్న ఈమూవీ ఓటీటీ ప్రేక్షకులకు బాగా నచ్చితే ఇలాంటి చాల సినిమాలు తెలుగులోకి డబ్ చేసే ఆస్కారం ఉంది..