నందమూరి నటసింహం బాలకృష్ణ తాజాగా వీర సింహా రెడ్డి మూవీలో హీరోగా నటించాడు. శృతి హాసన్ ఈ మూవీ లో హీరోయిన్ గా నటించగా ... వరలక్ష్మీ శరత్ కుమార్ ... దునియా విజయ్ ఈ మూవీ లో కీలకమైన పాత్రలలో కనిపించబోతున్నారు. మైత్రి మూవీ సంస్థ నిర్మించిన ఈ మూవీ కి గోపీచంద్ మలినేని దర్శకత్వం వహించగా ... తమన్ సంగీతం అందించాడు. ఈ మూవీ ని ఈ సంవత్సరం జనవరి 12 వ తేదీన థియేటర్ లలో విడుదల చేయనున్నారు.

ఇది ఇలా ఉంటే బాలకృష్ణ ఆఖరుగా అఖండ మూవీ తో ప్రేక్షకుల ముందుకు వచ్చిన విషయం మన అందరికీ తెలిసిందే. ప్రగ్యా జైస్వాల్ ఈ మూవీ లో హీరోయిన్ గా నటించగా ... శ్రీకాంత్ విలన్ పాత్రలో నటించాడు. ద్వారకా క్రియేషన్ బ్యానర్ పై మిర్యాల రవీందర్ రెడ్డి నిర్మించిన ఈ మూవీ కి బోయపాటి శ్రీను దర్శకత్వం వహించగా ... తమన్ సంగీతం అందించాడు. 2021 వ సంవత్సరం డిసెంబర్ 2 వ తేదీన విడుదల అయిన ఈ సినిమా బాక్స్ ఆఫీస్ దగ్గర భారీ బ్లాక్ బస్టర్ విజయం సాధించి ... 100 కోట్లకు పైగా కలెక్షన్ లను బాక్స్ ఆఫీస్ దగ్గర రాబట్టింది. ఇలా అద్భుతమైన విజయం సాధించిన ఈ మూవీ ని మరి కొన్ని రోజుల్లోనే హిందీ లో కూడా విడుదల చేయనున్నారు.

తాజాగా ఈ మూవీ హిందీ వర్షన్ విడుదలకు సంబంధించిన అధికారిక ప్రకటన కూడా వెలువడింది. జనవరి 20 వ తేదీన హిందీ లో ఈ మూవీ ని విడుదల చేయనున్నట్లు చిత్ర బృందం అధికారికంగా ప్రకటించింది. అందులో భాగంగా ఈ మూవీ హిందీ ట్రైలర్ ను ఈ రోజు ఈ మూవీ యూనిట్ విడుదల చేసింది. ఈ మూవీ హిందీ ట్రైలర్ విడుదల అయిన 4 గంటల్లోనే యూట్యూబ్ లో 717 కే వ్యూస్ ను ... 19 కే లైక్స్ ను సాధించింది.  ఓవరాల్ గా చూసుకుంటే అఖండ మూవీ హిందీ ట్రైలర్ కు ప్రేక్షకుల నుండి సూపర్ రెస్పాన్స్ లభిస్తుంది అని చెప్పవచ్చు. ఈ మూవీ ని హిందీ లో పెన్ మూవీస్ వారు విడుదల చేయనున్నారు.

మరింత సమాచారం తెలుసుకోండి:

Pulgam Srinivas

05/01/2023 04:18 PM