ఇప్పుడు తాజాగా యూపీలో హిందుత్వ వాదాన్ని నెత్తికెత్తుకున్నారు సమాజ్ వాదీ పార్టీ అగ్రనేత, మాజీ ముఖ్యమంత్రి అఖిలేష్ యాదవ్. ఇప్పటికే... బీజేపీ ట్రేడ్ మార్క్ అయిన రథయాత్రను రాష్ట్ర వ్యాప్తంగా నిర్వహిస్తున్నారు అఖిలేష్ యాదవ్. గతంలో యూపీలో రథయాత్ర నిర్వహించారు బీజేపీ అగ్రనేత లాల్ కృష్ణ అద్వానీ. ఇప్పుడు అదే బాటలో అఖిలేష్ కూడా ప్రస్తుతం పయనిస్తున్నారు. రెండు రోజుల క్రితం ఆంజనేయ స్వామి చిత్ర పటం ప్రదర్శించిన అఖిలేష్... తాజాగా మరో కీలక వ్యాఖ్యలు చేశారు. యూపీలో రామ రాజ్యం తన వల్లే సాధ్యమన్నారు. తనకు ప్రతిరోజు శ్రీకృష్ణ పరమాత్ముడు కలలోకి వస్తున్నారని కూడా అఖిలేష్ వ్యాఖ్యానించారు. రాబోయే ఎన్నికల తర్వాత సమాజ్ వాదీ పార్టీ ప్రభుత్వాన్ని ఏర్పాటు చేస్తుందని కూడా అఖిలేష్ జోస్యం చెప్పారు. ఓటర్లను ఆకర్షించేందుకు ఇప్పటికే ఎన్నో ఉచిత హామీలను గుమ్మరించారు కూడా. అలాగే ఎన్నికల కోసం ఢిల్లీ ముఖ్యమంత్రి అరవింద్ కేజ్రీవాల్ నేతృత్వంలోని ఆమ్ ఆద్మీ పార్టీతో అఖిలేష్ పొత్తు పెట్టుకున్నారు కూడా.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి